ஹஜ் பயணிகளுக்கு 2 நாள் பயிற்சி முகாம்
பரங்கிப்பேட்டை கலீல் பாகவீ
0
சென்னை, திருவள்ளூர், காஞ்சிபுரம் மாவட்ட ஹஜ் பயணிகளுக்கு புத்தறிவு பயிற்சி முகாம் சென்னையில் நடைபெறுகிறது.
இது தொடர்பாக அரசு வெளியிட்ட அறிக்கை:
இந்த ஆண்டு ஹஜ் பயணம் மேற்கொள்ளும் சென்னை, திருவள்ளூர், காஞ்சிபுரம் மாவட்ட பயணிகளுக்கு புத்தறிவு பயிற்சி முகாம் சென்னையில் தமிழ்நாடு ஹஜ் சர்வீஸ் சொசைட்டி உதவியுடன் 2 நாட்கள் நடக்கிறது.
ஹஜ் பயணத்தின் போது சவுதி அரேபியாவில் கடைபிடிக்க வேண்டிய நடைமுறைகள், பயண விவரங்கள், ஹஜ் பற்றிய வழி முறைகள், ஹஜ் குழு, ஜித்தாவில் உள்ள இந்திய துணை தூதரக ஏற்பாடுகள் பற்றி முகாமில் விளக்கப்படும்.
28ம் தேதி திங்கள் உருது மொழியில் சென்னை சூளை சட்டண்ண நாயக்கன் தெருவில் உள்ள ஆனைக்கார் மெட்ரிக்குலேஷன் பள்ளி கலையரங்கிலும் 29ம் தேதி தமிழில் சூளை டிமெல்லோஸ் சாலையில் உள்ள ஹஜ் ஹவுசிலும் பயிற்சி முகாம் நடைபெறும்.
இவ்வாறு அரசு அறிக்கையில் கூறப்பட்டுள்ளது.