ஸஜ்தாசெய்யும்போது இரு பாதங்களும் தரையில் படாமல் தூக்கி இருந்தால் தொழுகை கூடுமா?

ஸஜ்தா செய்யும்போது இரு பாதங்களின் விரல்களையும் தரையில் நன்றாக பதியவைக்க வேண்டும்.

ஆகக்குறைந்தது ஒவ்வொரு பாதத்திலும் மூன்று விரல்களாவது தரையில் இருக்க வேண்டும்.

பாதங்கள் தரையில் படாமல் தூக்கியவண்ணமிருந்தால் தொழுகை நிறைவேறாது ; தொழுகையை திரும்பவும் தொழவேண்டும்.

ஸஜ்தாவுடைய முழுநேரமும் பாதங்களை தரையில் வைப்பதுவே முறையாகும்;

எவராவது ஒரு தஸ்பீஹ் ஓதும் நேரம் மட்டும் பாதத்தை தரையில் வைத்து விட்டு பின்பு காலை தூக்கிவிட்டால்

தொழுகை கூடிவிடும் என்றாலும் மக்ரூஹான வெறுக்கத்தக்க செயலாகும்; இப்படிப்பட்ட செயல்களிலிருந்து தவிர்ந்து கொள்வது அவசியமாகும்.

ஆதாரம்:ஃபதாவா ஷாமி.

முஃப்தி நூருல் அமீன் மன்பயீ.